21:15 Қайрат неге капитандықтан шеттетілді? | |
«Астана» және Қазақстан ұлттық құрамасының капитаны болып келген Қайрат Нұрдәулетов өз клубының капитандық міндетінен айырылды. «Астана» «Атырау» ойынында қарсылас команданың футболшысына қарсы дөрекі өнер көрсеткен үшін команда капитаны Қайрат алаңнан қуылған еді. Бұл кездесу Нұрдәулетов үшін негізінен клуб сапындағы 100-ші ойыны болатын. Бірақ, өкінішке орай, 100-ші кездесуін атап өтететіндей, Қайратқа да, клубқа да ойын нәтижесі сәтті бола қоймады. Жас команда сапында 100 ойын өткізген футболшылардың саны көп те емес. Оның бірі осы Қайрат болса, екіншісі жартылай қорғаушы – Марат Шахметов. Иоан Андоне шәкірттері премьер-лиганың 21-ші турын сырт алаңда «Тараз» командасымен өткізді. Осы ойында елордалық команданы алаңға бразилиялық қорғаушы Зелао бастап шықты. Бұл матчта қос қарсылас есеп аша алмай тең тарқасты. Басында ойлағанбыз, Қайрат бұл ойынға қатыспаған соң, Зелао тек бір кездесуге команданы бастап шыққан шығар деп. Сөйтсек, олай емес екен. Келесі «Астана Аренада» өткен қостанайлық «Тоболмен» кездесуде де команданы алаңға Зелао бастап шықты. Осы жағдай Қайратқа қатты әсер етті ме? Әйтеуір ешкімге сыр бермегенімен алаңда өте белсенді өнер көрсетіп, өзін дәлелдегісі келгендей болды. Нәтижесінде, Қайрат «Астаның» жеңіс голын соғып, командасына маңызды үш ұпай сыйлады. Осы ойыннан соң, баспасөз мәжілісінде команданың бас бапкері - Иоан Андоне: «Зелао өте шебер, жоғары деңгейлі ойыншы, сондықтан біз бразилиялық легионерді команданың капитаны етіп тағайындауды» – жөн көрдік деген еді. Зелао – қысқы трансферлік үзіліс кезінде, «Астанаға» ресейлік «Кубань» сапынан ауысып келген қорғаушы. Әрине, оның деңгейі біздің қорғаушылардан жоғары болғанымен, Краснодар қаласының командасына керек болмай қалған футболшы. Ресейліктер бұл ойыншының салмағы артып кетті, қорғаныста көп қателік жібереді деген сылтаулар айтып, тезірек құтылуға тырысқан болатын. Ресейден ойыншы сатып алуға әбден машықтаған біздің басшылар жылдамдатып, айтқан бағаларына келісе салған еді. Енді бас қаланың бірінші командасының капитандығын Зелаоға бергенде біз не ұтамыз? Қазіргі кезде премьер-лиганың 12 командасының тек үшеуінің ғана капитаны қазақ екен. Олар: Самат Смақов, Нұрбол Жұмасқалиев, Қайрат Әшірбеков сияқты қазақ футболының үш аңыз ойыншысы ғана өз командаларын алаңға бастап шығып жүр. Командалардағы қазақ футболшыларының аздығы жанымызға бататыны аз болып, енді санаулы қазақ капитандарымыздан да айырыла бастадық па? Бек Төлеуов | |
|
Всего комментариев: 8 | |||||||||
| |||||||||